Prapaskenat, gazetari: Klubet viktima të Armando Dukës

Gazetari Fatjon Baze ka komentuar prapaskenat e sezonit futbollistik nisur nga sfida e fundit në Air Albaia, Partizani-Vllazania.
I njohur si një ndër kritikët më të mëdhenj të kreut të FSHF-së Armando Duka, Baze nuk i kursen shigjetimet ndaj këtij institucioni.
Përmes një postimi në rrjetin social Facebook ai nënvizon se klubet janë viktima të Dukës, ndërkohë këtë të fundit e konsideron si “kokën e krimit”.
Postimi i plotë
“Partizani nuk meritoi të fitonte ditën e djeshme, po kurrësesi as të humbiste, e aq më më tepër në atë mënyrë të dhunshme. Urime Teutës për titullin kampion, edhe pse siç shkoi ky edicion, Vllaznia mund ta meritonte më shumë.
Megjithatë, ata që e komandojnë dhe caktojnë fatet e çdo sezoni futbollistik i shkuan planit të tyre deri në fundit dhe titullin e çuan aty ku deshën, në mënyrë qartazi të pandershme.
Enea Jorgji nuk është fajtori më i madh i këtyre skenave kriminale që shohim çdo vit në futbollin shqiptar. Ai është thjesht ushtari i rëndom i një bande që ka marrë peng prej vitesh futbollin shqiptar dhe tallen me tifozët që besojnë tek një lojë e ndershme; tallen me presidentët e shumë klubeve që hedhin para nga xhepat e familjeve të tyre për të mbajtur gjallë një futboll të falimentuar ku ndihmat nga FSHF janë më tepër se qesharake.
Është një institucion që privat që drejtohet nga Armand Duka, i cili sa vjen e njollos më tepër historinë e futbollit shqiptar.
Partizani dje ishte viktima e radhës, por dhuna ndaj këtij klubi historik dhe shumë ekipeve të tjera që janë penalizuar ka qenë prezente prej vitesh, është, dhe do mbetet dhe për 20 vite të tjera në rast se të gjithë këta do të lejojnë që Armand Duka të mbretërojë i qetë në krye të institucionit të futbollit shqiptar.
Koka e krimit ndodhet në krye të institucionit të futbollit dhe derisa ai të jetë aty askush mos të presi çudira për një lojë të ndershme.
PS: Tani që mendoj, nuk paskan pas dhe aq shume faj ata presidentet që janë përleshur me arbitrat për të mbrojtur djersën e tyre.