Futbollistët e Realit i japin lamtumirën Zidanit Zinedine Zidane edhe zyrtarisht nuk është më trajner i Real Madridit. Ai ka njoftuar për largimin pak çaste më parë (e enjte, 27 maj). Lexo Edhe: Deschamps: “Nuk do ta merrni kurrë vesh nga unë çfarë kam folur me Benzeman” Menjëherë pas konfirmimit edhe nga ana e Real Madridit, kanë reaguar futbollistët në rrjetet sociale, duke falënderuar francezin për vitet që kanë kaluar së bashku. “Ishte kënaqësi. Faleminderit Zizu”, ka shkruar Kroos. Reklamë “Keni qenë udhërrëfyes, më keni ndihmuar të rritem si lojtar dhe person, faleminderit për gjithçka”, ka shkruar Varane. “Unë kam vetëm fjalë falënderimi për gjithë këtë kohë, faleminderit”, ka shkruar Dani Carvajal. “Ka qenë nder të kem trajner një legjendë si ti”, ka shkruar Thibaut Courtois. “Zinedine Zidane, një dhe i veçantë. Të dëshiroj më të mirat, e meriton”, ka shkruar Ramos. Casemiro, Nacho, gjithashtu e kanë përshendetur Zidanin, duke e falenderuar për kohën së bashku.