Drejtori i Përgjithshëm i Airbnb, Brian Chesky tha se kërkesa për udhëtime po rimëkëmbet, por ai nuk pret që udhëtimet e biznesit të kthehen ndonjëherë në mënyrën që ishin përpara pandemisë.
“Kjo nuk do të thotë që udhëtimet e biznesit janë të vdekura, thjesht udhëtimet e biznesit siç e dinim se nuk do të kthehen siç ishin më parë,” tha Chesky në një intervistë me Poppy Harlow të CNN të martën.
“Unë mendoj se njerëzit tani kanë atë që nuk kishin një vit ose dy më parë. Shumë njerëz tani kanë fleksibilitet. Ata kanë fleksibilitet atje ku udhëtojnë dhe jetojnë dhe punojnë dhe ata kanë filluar t’i kombinojnë të gjitha ato,” tha ai.
“Unë mendoj se sapo njerëzit të kenë diçka, ata nuk duan ta lëshojnë atë”.
Airbnb, ësht╒ një platformë për gjetjen dhe prenotimin e akomodimeve në 220 vende dhe rajone të botës, tashmë ka parë që aktiviteti i udhëtimit të kthehet në nivelet e vitit 2019, sipas Chesky dhe kjo pa një rihapje të plotë të udhëtimeve ndërkufitare.
Airbnb tani vë bast se fleksibiliteti është thelbësor për të ardhmen e udhëtimeve. Kompania njoftoi më shumë se 100 ndryshime dhe azhornime në shërbimin që ofron për t’u kujdesur më mirë për pritësit, duke përfshirë mënyra të reja për të kërkuar dhe një proces të thjeshtuar.
Kompania tha se njerëzit po tregohen më fleksibël se ku dhe kur udhëtojnë, si dhe të qëndrojnë në vende për më shumë kohë. Chesky tha gjatë një njoftimi për shtyp të hënën se gati 25% e rezervimeve në tremujorin e parë të 2021 ishin për qëndrime më afatgjata prej 28 ditësh ose më shumë.
