Të hënën e ardhshme do të nisë aksioni për prishjen e ndërtimeve pa leje në vijën bregdetare të Shqipërisë. Policia e Shtetit dhe IKMT kanë gati tashmë hartën me njollat e kuqe ku janë evidentuar qindra objekte pa leje. Hartat u bënë publike një ditë më parë në Shëngjin gjatë një dalje të kryeministrit Edi Rama dhe ministrit të Brendshëm, Bledi Çuçi. Të pranishëm ishin dhe krerët e Policisë së Shtetit dhe IKMT. Rama tha se pas ndryshimeve të Kodit Penal masat ndëshkuese janë shumë herë më të ashpra për ata që ndërtojnë pa laje. Në foton më poshtë shihen me njolla të kuqe gjithë ndërtimet pa leje në plazhin e Ksamilit, të cilat do të shemben nga fadromat e IKMT. ©argjiroja.net
