Kryeministri Zoran Zaev këtë të enjte i shoqëruar nga zëvendëskryeministrit për Çështje Evropiane, Nikolla Dimitrov dhe ministrin e Punëve të Jashtme, Bujar Osmani, ka zhvilluar një vizitë zyrtare në Sofje.
Në këtë vizitë kryeministri është takuar me homologun e tij bullgar, Stefan Janev dhe më pas dhanë deklaratë të përbashkët për mediat.
Zaev në konferencë për shtyp tha se sot është biseduar për tema bilaterale, për shkak se problemi është dypalësh dhe zgjidhja duhet të gjendet këtu.
Sipas tij, nëse ka liderë dhe politikanë të përgjegjshëm, atëherë problemi duhet të gjendet këtu.
“Me kryeministrin Janev biseduam edhe për propozimin e Portugalisë dhe për pjesën e Bashkimit Evropian, për shkak se duhet të bisedojmë edhe për zgjidhjet bilaterale. Konsideroj se mund të gjendet zgjidhje bilaterale dhe kjo zgjidhje të ketë interesat e dy palëve”, tha Zaev.
Ndryshe, Zaev pas takimit me ish-kryeministrin bullgar, Boyko Borissov dhe kryeministrin aktual, Stefan Janev do të takohet edhe me presidentin e Bullgarisë, Rumen Radev.
