Holanda i thotë lamtumirë Europianit, Çekia kualifikohet në çerekfinale (VIDEO)

Holanda është emri i madh që i thotë lamtumirë Kampionatit Europian. “Tulipanët” u mposhtën 2-0 në sfidën kundër Çekisë e vlefshme për fazën e 1/8 në Kampionatin Europian. Edhe pse shumica nuk e prisnin, çekët ia dolën të triumfojnë ndaj përfaqësueses me formën më të mirë në fazën e grupeve. Pjesa e parë përfundoi ashtu siç nisi, pasi asnjëra skuadër nuk arriti t’i konkretizojë rastet. Holanda ishte më kërkuese, por edhe Çekia kishte disa shanse me kundërsulme. Gjërat u vështirësuan për Holandën nuk Matthijs de Ligt u ndëshkua me të kuq, pasi preku topin me dorë (55′). Ishte Tomas Holes që zhbllokoi rezultatin duke shënuar me kokë pas asistimit të Kalas (68′). Golin e dytë, njëkohësisht gol që e kualifikon Çekinë e realizoi Patrick Schick pas një harkimi të bukur të Holes (80′). Në çerekfinale, Çekia do përballet me Danimarkën.