Nismën e ndërmarrë për të ndihmuar familjen e Musaen Zenelit e finalizoi me një vizitë në familjen e 19-vjeçarit të ndjerë. Kamerieri Rehyl Toska i dorëzoi nënës së tij, kontributet e mbledhura nga kamerierët dhe qytetarët e Shkodrës që ju përgjigjen thirrjes që ai bëri.
60 zarfe me një shumë që i kalon 2 milion lekë, janë vetëm një shenjë nderimi për viktimën e pafajshme të masakrës së Velipojës.
Rehyl Toska: Unë bëra atë që na ka takuar ne me aq kontribut që kemi dhënë. Dua të falenderoj të gjithë kolegët e mia, bizneset që janë afruar dhe gjithë shqiptarët që kanë kërkuar llogarinë e familjet. Ne nuk mund të kthejmë gjë pas, por sa do me ia lehtësuar sado pak familjes atë që po kalon. Falenderoj të gjitha mediat që kanë qenë në krah dhe gjithkënd.
Në numrin e llogarisë së familjes Zeneli vijojnë të kontribuojnë qytetarë nga e gjithë Shqipëria. Familja humbi djalin e vogël gjatë përplasjes me armë mes dy fiseve për hapësirat publike të plazhit, ndërsa 19-vjeçari ishte në ditën e parë të punës.
