Ekipi i Kukësit përfundimisht do të drejtohet nga një italian, Diego Longos. Lajmi është bërë i ditur paraditen e sotme nga kreu i Bashkisë Kukës, Safet Gjici, i cili është edhe President nderi i ekipit.
Gjici tha se klubi me Longos prej ditësh ka pasur biseda intensive dhe parimisht palët kanë rënë dakord për një bashkëpunim me te gjitha kushtet e trajnerit.
Ai tha se shumë shpejt pritet zyrtarizimi. Gjici tha se trajneri është me përvoje, është zgjidhje e mirë për Kukësin por të gjitha këto do të shihen në fushën e lojës.
Gjici u shpreh se merkato te Kukësi vazhdon, lojtarët e marrë deri më tani janë të mirë, për pak ditë ekipi fillin stërvitjen.
Kryetari i Bashkisë, Safet Gjici foli edhe për stadiumin e ri. Ai nënvizoi se pritet të përfundojë në shtator kur fillon kampionati. Gjici tha se brenda korrikut vijnë stolat dhe fusha e barit.
Arrihet marrëveshja me Diego Longos/ Gjici: Kukësi do të drejtohet nga një italian!
Related Posts
