‘E urrej’, flet ish mbrojtësi: Doja ta humbte finalen

Në Itali, të gjithë e duan Roberto Manicni. Trajneri italian e drejtoi ekipin kombëtar drejt fitores në Kampionatin Europian, duke fituar respektin e dashuri edhe të atyre që mbase nuk besuan tek ai aq shumë.
Në Manchester, në anën e qytetarëve, trajneri është ende një legjendë për kthimin e klubit te titulli në Premier League pas më shumë se dyzet vitesh. Në mesin e lojtarëve që kanë punuar me të, një zë dallon nga të tjerët, ai i ish-mbrojtësit Wayne Bridge. I cili, duke folur në skenën e madhe të Bettingexpert, shpjegon pse të dy nuk u morën vesh.
Mbi të gjitha, fitorja e Italisë ishte një goditje e rëndë për të: Ai më lëndoi vërtet, sepse e urrej Mancinin, të gjithë e dinë që nuk e dua. Unë nuk do të thoja se është trajneri më i keq që kam pasur ndonjëherë, por taktikisht nuk është aq i mirë. Sidoqoftë, ajo që bëri ishte e mrekullueshme. Familja ime do të ishte e lumtur jo vetëm sepse Anglia do të fitonte, por sepse Mancini do të humbte, kështu që ishte edhe më keq. Unë kurrë nuk e kuptova atë si trajner. Te Manchester City fitoi Premier League, kështu që tifozët e duan, por nëse shikon lojtarët dhe ekipin që kishte, fitoi falë tyre, jo sepse është një trajner i mirë.
Po çfarë nuk i pëlqen Bridge në lidhje me atë përvojë? Ai e shpjegon vetë: Kam pasur probleme me të, kemi punuar së bashku për disa muaj, kemi kaluar mirë, por nuk më pëlqente aspak stërvitja. Ai iu kërkonte mbrojtësve të stërviten kundër siluetave, por ky nuk është futboll. Bellamy u përpoq të pyeste diçka, se çfarë ndodh nëse dikush e bën këtë në një ndeshje, dhe Mancini u përgjigj: Hesht! Pastaj e dërgoi në shtëpi dhe nuk e la të kthehej në stërvitje. Dhe është diçka që unë nuk e kuptoj nga një trajner.