Sezoni i shkuar ka bërë që ekipi i Luftëtarit të kthehet në një destinacion shumë të dëshiruar për shumë futbollistë, pasi panë të shpërthenin lojtarë si Dejvi Bregu dhe Kristal Abazaj.
Numri i atyre që duan të ecin në gjurmët e tyre është rritur, teksa Gjirokastra shihet si “toka e mundësive”.
Emra të shumtë të rinjsh janë lakuar në media dhe njëri prej tyre është sulmuesi 19-vjeçar i Pogradecit, Jurgersi Liçkollari.
Ai ka dhënë një prononcim për “Panorama Sport”, ku pranon se ka oferta nga Lushnja dhe Luftëtari, madje edhe pse me skuadrën e Artan Banos mund të ketë më shumë aktivizimi, ai thekson se dëshiron bluzinjtë e drejtuar vjet nga Mladen Milinkoviç.
