Kryeministri Edi Rama në një intervistë për mediat italiane thotë se në vendin tonë do të mbërrijnë 2-3 mijë afganë. Rama thotë se vendi ynë i vogël është gati të presë disa mijëra refugjatë afganë.
“Ne jemi gati presim 2 deri në 3 mijë afganë”,- thotë Rama.
Sipas mendias italiane, kryeministri Edi Rama është treguar kritik ndaj atyre shteteve në Evropë të cilët kanë refuzuar pranimin e afganëve që ai i përcakton si ‘hipokritë’ dhe pa kujtesë’. ‘Nëse Evropa është e ndarë edhe mbi Afganistanin është sepse nuk e mban mend atë që ishte’- shprehet kreu i qeverisë.
“Nuk dua t’i jap mësime askujt, e lëre më Italisë, me të cilën jam shumë të lidhur. Por unë them se mirëpritja është detyra jonë. Sepse mbaj mend se çfarë ishte për ne shqiptarët . Mbaj mend luftën, mbaj mend Millosheviçin, refugjatët, vdekjen, torturat. Dikur ne shqiptarët ishim për ju ata që afganët janë ndoshta sot, alienë ”.- thotë Rama.
Kreu i qeverisë socialiste thotë se beson se me pritjen e refugjatëve afgnë po bën gjënë më të natyrshme në botë dhe se është në anën e duhur të historisë.
