Bashkia Gjirokastër ka hapur tenderin për ndërhyrjen në vendin ku rrezikon shembjen pallati në lagjen “Punëtori”. Pritet që të ndërtohen pilota për stabilizimin e rrëshqitjes së kodrës që rrezikon aty edhe një pallat pesë katësh. Dy muaj më parë kryebashkiaku Flamur Golemi pati një takim me banorët e pallatit të cilëve iu komunikoi se kishte arritur të siguronte një investim nga qeveria për t’i dhënë fund këtij problemi. Fondi limit për ndërhyrjen është rreth 530 milionë lekë të vjetra. Të hënën më 6 shtator përfundon afati për dorëzimin e ofertave nga operatorët ekonomikë të interesuar. ©argjiroja.net
