Capello për Juventusin: Kampionati tashmë është mbyllur për të

Ish-trajneri i njohur italian, Fabio Capello, foli për mikrofonat e “Corriere dello Sport”, duke analizuar ngjarjet aktuale të futbollit. Në veçanti, komentatori i “Sky” u përqendrua në garën e kampionatit italian.
“Nga Serie A ka disa lajme interesante, është e vërtetë, por kur shoh Premier League më duket si një sport tjetër, – tha Capello. – Dhe kjo varet edhe nga gjyqtarët. A nuk ka gjyqtarë të mirë këtu? Jo, është çështje kulture. Këtu çdo dyluftim është një “bilbil”, jashtë vendit tonë nuk e nxjerrin topin jashtë fushe as me lojtarin në tokë.
Kjo më bën të qesh, kur edhe kolegët e mi në TV e justifikojnë një faull dhe thonë: Epo, ai e preku atë. Çfarë do të thotë kjo? Ka njerëz që merren gjatë gjithë kohës me faullet dhe lëndimet… Justifikime të pavlera. Pra, ne nuk ngrihemi në nivel”.
Disa fjalë edhe për titullin kampion në Serie A: “Juventusi, jashtë Scudetto-s? Për mua, po. Tashmë është shumë larg nga kreu i renditjes dhe ka shumë skuadra para tij. Është një kampionat shumë i luftuar dhe, nëse duhet të rikuperoni pikë ndaj Napolit, Milanit, Interit dhe Romës bëhet e komplikuar. Pra, sa i takon titullit, kampionati për Juventusin tashmë është i përfunduar”.