Facebook planifikon të punësojë 10 mijë punëtorë për të krijuar teknologjinë metaverse

Facebook thotë se planifikon të punësojë 10 mijë punëtorë në vendet e Bashkimin Evropian për të punuar në një platformë të re kompjuterike. Kompania njofton se ata punëtorë me aftësi të larta do të ndihmojnë në ndërtimin e teknologjisë metaverse, një nocion futuristik për lidhjen e njerëzve në internet që përfshin realitetin virtual. Ky rrjet sociale shprehet se do ta bëjë ndërveprimin online “shumë më afër përvojës së bashkëveprimit personal” apo “bota online”.
“Metaverse ka potencialin për të ndihmuar në zhbllokimin e qasjes në mundësi të reja krijuese, sociale dhe ekonomike dhe evropianët do ta formojnë atë që në fillim. Ky investim është një votë besimi në fuqinë e industrisë evropiane të teknologjisë dhe potencialin e talenteve evropiane të teknologjisë”, njofton Facebook.
Metaverse përcakton një hapësirë kibernetike paralele me realitetin fizik, ku një bashkësi njerëzish mund të ndërveprojnë në formën e avatarëve. Koncepti u krijua nga autori Neal Stephenson në romanin e trillimeve shkencore të vitit 1992 “Përplasja e borës”. I referohet shkrirjes së realitetit fizik, të shtuar dhe virtual në një hapësirë të përbashkët online.