Rusia po pezullon misionin e saj diplomatik në NATO. Lajmin e ka konfirmuar ministri i Jashtëm rus, Sergej Lavrov, i cili njoftoi dhe një kundërmasë ndaj aleancës ushtarake. Stafit të zyrës së NATO-s në Moskë do t’i hiqet akreditimi në muajin nëntor. Këto masa vijnë pasi Aleanca e Atlantikut të Veriut dëboi 8 diplomatë të misionit të Rusisë, me arsyetimin se ata ishin zyrtarë të inteligjencës.
Marrëdhëniet mes NATO-s dhe Rusisë janë përkeqësuar që kur Moska aneksoi gadishullin e Krimesë nga Ukraina në vitin 2014. Kremlini e vlerësoi dëbimin e diplomatëve si një mungesë interesi për dialog nga Perëndimi