Kandidati i PD-së për deputet në Sarandë, Jolio Dine, ka bërë një reagim pas rinumërimit të votave në disa qendra në kuadër të veprimtarisë së komisionit hetimor parlamentar. Ai akuzon komisionerët e PD-së për vjedhje votash dhe tjetërsim të vullnetit të qytetarëve.
“Do ta mbyllja me aq statusin tim lidhur me votat e rinumeruara nga KQZ sot, por nuk rri dot pa informuar banoret e Bashkise Konispol, se komisioneret e Partise Demokratike kane arritur me sukses te vjedhin votat e qendres se votimit 4706 (Shkolla e Mesme Konispol). Konkretisht numeruesit 2 vota i kane vjedhur nga une si kandidat dhe 8 vota ia kane vjedhur Partise Demokratike (vote vetem per subjektin), per te favorizuar nje kandidature tjeter te ciles i kane shtuar 10 vota. Ky rinumerim me ben krenar, sepse tashme ne Bashkine Konispol, ne vendin e gjysherve te mi, rezultoj kandidati me i votuar me 451 vota ne total. Disa komisionere me precedente penale e disa me vese te turpshme morale, ne 25 prill tentuan me force te me nxirrnin te dytin duke deformuar vullnetin e banoreve te ndershem te kesaj zone, por e verteta vonon por nuk harron!”, shkruan Dine.
Më herët gjatë ditës përmes një reagimi tjetër, Dine përmes një reagimi tjetër i kishte bërë thirrje KQZ-së të rinumëronte më shumë qendra votimi për të zbuluar më tepër vota të vjedhura se aq.
“Do doja qe KQZ te hapte me shume kuti ne zonen e Bashkive Sarande, Konispol, Delvine, Finiq dhe Himare (jane hapur vetem 18), per te pare realisht se shume me shume vota te “vjedhura” do te dilnin e per kete jam shume i sigurt”, thotë Dine.
