Presidenti Ilir Meta është shprehur se ndihet mjaft krenar për çdo lëvozje që ka bërë në politikë. I ftuar në ‘Now’ me Erla Mëhillin, Meta tha se kryedemokratin Lulzim Basha nuk e ka penguar askush që të bëhej lider. Madje ai shtoi se pas ish-kryeministrit Sali Berisha, njeriu që e ka mbështetur më shumë ka qenë ai vetë. Meta nuk harroi të përmendte edhe bashkëshorten Monika Kryemadhi, për të cilën tha se i rezulton ta ketë mbështetur Bashën më shumë se sa bashkëshortja e tij, Aurela.
Pjesë nga biseda:
Ilir Meta: Jam krenar për atë që kam bërë. Nuk kam pasur plan për të qëndruar dhe 50 vjet, por duke qenë se si ka ardhur Shqipëria. Më pyet njëherë njëri, një eurodeputet i djathtë, kam qenë kryetar parlamenti. Më tha, puna e këtij Bashës me Berishën, nuk po e kuptoj. Si e mendon këtë gjë më tha. I thashë zotëri, çfarë po e pengon Berisha këtë, po e promovon. Tani nëse Berisha është tërhequr dhe në pension dhe bën 5 statuse në ditë, ky është i ri, duhej ta eklipsojë tjetrin. Të bëjë 15 postime në ditë.
Erla Mëhilli: Nuk e ka lënë ka thënë.
Ilir Meta: Si nuk e ka lënë. Për çfarë nuk e kanë lënë, nuk e kanë lënë për të marrë pjesë në zgjedhje.
Erla Mëhilli: Që të dalë si lider.
Ilir Meta: Por si del si lider, të jesh si lider. Të mbash 5 qëndrime për të qenë lider. Një lider thotë se është kështu dhe mban një qëndrim të vetëm. Isha kryetar Kuvendi unë, koalicion me Ramën, Kishte ministrinë e Transportit LSI-ja atëherë. Shoh televizorin shof Qafë-Thanë. Ishin të irrituar shoferët qytetarët kishte rënë borë dhe ishte bllokuar. Thashë çështë kjo, marrë ministrin, i shkëlqyer në formim dhe i them çfarë po ndodh atje. Nuk di gjë më tha, unë jam në Dubai për Krishtlindjet me familjen. Ja të flas me drejtorin. E mora unë drejtorin i thashë çfarë ka ndodhur. Më tha po iki në Rinas do iki për pushime me familjen atje. Ore por dëborën të shkojë unë atje ta hap. Prandaj ndodhin këto, se kemi shumë të rinj si Basha. S’ka bërë njeri kaq shumë për të sa unë, pas doktorit. Dhe meqë thua personale, as gruaja e tij. Ja ku po ta them. Sa ka bërë gruaja ime për Bashën, nuk ka bërë gruaja e tij. Gruaja e tij rrezik edhe votën nuk ia ka dhënë. Ndërsa gruaja ime i dha besën dhe dogji mandatet.