Ish- fenomeni Ronaldo është një nga legjendat e futbollit dhe një nga figurat më të dashura të këtij sporti, janë me miliona tifozë në të gjithë botën që janë dashuruar pas futbollit vetëm falë sulmuesit brazilian i cili në një bisedë me Bobo Vierin, Cassanon e disa të tjerë ka rrëfyer disa prapaskena të karrierës së tij.
Ai filloi me periudhën kur ishte shumë i ri dhe lojtarët më me eksperiencë si Romario e detyronte të bënte disa gjëra por gjithashtu edhe e ka mësuar.
“Mësova shumë nga Romarido dhe Bebeto në kombëtare. Ata ishin një frymëzimx edhe pse Romario ishte një bir k***e. Ai i detyronte lojtarët t’i pastronin këpucët dhe t’i blinin kafen (Cassano dhe Vieri shkrihen së qeshuri).
Një vit më vonë, kur ai kishte fituar Topin e Artë, pas stërvitjes më tha se do dilnim. Ne u kthyem në 5 të mëngjesit dhe ditën tjetër isha shumë i lodhur në stërvitje.
E kuptova që ma kishte bërë qëllimisht që të më zinte vendin në formacion titullar”.
Më pas Ronaldo foli edhe për eskperiencën te Interi ku rrëfeu edhe një të vërtetë për Vierin.
“Christian ishte një sulmues i forte, mund të shkonte në çdo ekip të botës por zgjodhi Interin vetëm për të luajtur me mua.
Unë u dëmtova dhe edhe pse disa ndeshje që kemi luajtur ja ka vlejtur. Cuper? Bënim disa stërvitje shumë të rënda që për mua ishin të tepruara. Një lojtari të shpejtë nuk i duhen stërvitje të rënda”.
Ronaldo fenomeni foli dhe për Messin por edhe për shifrat që fitojnë sot lojtarët duke pranuar se ndoshta ka luajtur në kohën e gabuar futboll.
“Messi është i jashtëzakonshëm, një lojtar dhe teknik i fuqishëm. Ai dëshiron të shënojë në çdo ndeshje. Neymar është një tjetër lojtar super. Shpresoj se ai mund të fitojë diçka me Brazilin, por ai është kritikuar në shtëpi për jetën e tij private.
Megjithatë, ky brez futbollistësh është më i mirë se ne jashtë fushës. Ata hanë mirë dhe flenë shumë. Për ne ishte e kundërta, pa llogaritur numrin e femrave që kishim. Thjesht mendoni të keni të njëjtin mentalitet…Sulmuesi më i mirë në botë sot? Benzema, nuk e diskutoj.
Lewandowski vjen më pas. Haaland do të bëhet numri 1, por dy të tjerët janë më të mirë se ai për momentin. Mbappé është gjithashtu shumë i fortë. Kam lexuar se ai ka nënshkruar një kontratë 50 milionë euro në vit me Real Madrid. Sigurisht, ne luajtëm në kohën e gabuar”, përfundoi ish sulmuesi i Brazilit.
