Policia greke është vënë në kërkim të autorëve të tjerë që akuzohen për vrasjen e Alikisit 19-vjeçar në Selanik. Së fundmi në media është publikuar fotoja e njërit prej shqiptarëve që është shpallur në kërkim. Bëhet fjalë për Roxhers Demirazi. Në këmbën e tij shfaqet një numër 1926 , që i referohet vitit të themelimit të PAOK-ut.
Sipas njoftimit, 20-vjeçari ka mbërritur me makinë në stacionin kufitar në Krystallopigi dhe ka kaluar në Shqipëri, pasi ka kontrolluar pasaportën e tij si nga autoritetet greke ashtu edhe ato shqiptare dhe ka dalë i pastër.
Sipas policisë greke, Demirazi ka mundur të arratiset në Shqipëri më 2 shkurt, më pak se 24 orë pas vrasjes së 19-vjeçarit. Ai kaloi normalisht nga Kapshticë dhe në fakt me pasaportën e tij shqiptare, pasi nuk ishte në kërkim deri në mëngjesin e së shtunës .
