Mes shumë socialistëve që prisnin në hyrje të Pallatit të Kongresve për të takuar kryetarin e tyre, Edi Rama, ishte edhe kryebashkiaku i Tepelenës, Tërmet Peçi.
Ai qëndronte aty për të patur qoftë dhe një shtrëngim duarsh me Ramën. Pranë tij shihet edhe Ediola Brahaj, ish-deputetja e LSI-së, e cila disa muaj para zgjedhjeve parlamentare të prillit 2021 kaloi në mbështetje të Partisë Socialiste.
Peçi ka një raport të vecantë me Edi Ramën, të cilin në jo pak raste publikisht e ka thirrur si “Komandant”. E në plot raste të tjera i ka dedikuar vargje kënge polifonike me Golikun e famshëm të Bënçës. ©argjiroja.net
