A keni menduar ndonjëherë për t’u rikthyer sërish me ish partnerin tuaj? Keni kuptuar se ndjeni akoma për të kur e shihni rastësisht në rrugë apo në kafenenë ku jeni ulur. Dhe më pas mendoni se nuk jeni ndarë për ndonjë arsye të rëndësishme asokohe. Ndoshta ishte vetëm egoizmi që bëri të mos pajtoheshit.
Sipas ekspertes së marrëdhënieve, Michelle Afont, “T’i japësh një shans të dytë ish-it mund të jetë një ide e shkëlqyer, për sa kohë që jeni të vetëdijshëm se nuk duhet të keni pritshmëri të mëdha”. Ky është një rregull i panegociueshëm për aventurat e reja, por i rëndësishëm kur kthehemi në të njëjtat vende.
“Nëse kanë kaluar vite që kur jeni takuar për herë të fundit, ka mundësi që të jeni pjekur mjaftueshëm. Është e mundur që të dy të keni prioritete të ndryshme në jetë dhe një mentalitet më të pjekur në lidhje me të ardhmen. Ajo që nuk doni të ndodhë është të ktheheni në të njëjtën situatë që ju çoi drejt ndarjes.
Diçka duhet të ketë ndryshuar që nga hera e fundit që jeni takuar. Përndryshe, kjo rilidhje nuk do t’ju çojë përpara në jetën tuaj.“, shton ajo. Kuptohet, përpara se t’i jepni atij një shans të dytë është e rëndësishme që problemet që kishit janë zgjidhur.
Arsyet për t’i thënë “po” mundësisë së një ribashkim
E vërteta është se vitet kalojnë dhe të dhënat ndryshojnë. Kjo është arsyeja pse ne nuk duhet të jemi absolut në mundësinë e një ribashkimi, veçanërisht nëse zbatohen kushtet e mëposhtme:
Nëse keni akoma ndjenja për të.
Nëse shpesh e gjeni veten duke pyetur veten “po sikur?”.
Nëse e kërkoni shpesh në rrjetet sociale dhe jeni ende të interesuar për atë që ai bën.
Nëse pyesni miqtë tuaj të përbashkët për të.
Nëse vërtet ju mungon ta keni atë në jetën tuaj.
Nëse jeni të dy të lirë dhe të disponueshëm.
Nëse jeni mjaft të sigurt se rrethanat kanë ndryshuar që kur jeni ndarë.
