Greqia dhe Turqia ishin në prag të një konflikti të armatosur në verën e vitit 2020. Situata ishte tepër sërioze dhe vendet mund të shkonin në një përballje ushtarake për një moment. Duke folur për “Kathimerini”, ambasadori amerikan në Athinë Jeffrey Payat tha se gjendja ishte shumë më e rëndë krahasuar me atë që qytetarët panë në TV.
Payat, i cili po mbaron tashmë mandatin e tij në Athinë tha se SHBA-të bën përpjekje të mëdha për të ndihmuar në mbajtjen e situatës nën kontroll, e cila mund të shpërthente nga momenti në moment.
“Ju dëgjuat nga Sekretari i Shtetit i SHBA-së, Mike Pompeo se ne menduam se kjo ishte një krizë shumë serioze dhe ne ishim shumë aktivë për të ndihmuar për të mbajtur gjërat jashtë kontrollit”, tha ai.
“Peizazhi strategjik rreth Egjeut, Detit të Zi, Azisë së Vogël ka ndryshuar në mënyrë dramatike që nga 24 shkurti, dhe mendoj se zhvillimet në Ukrainë e bëjnë më të rëndësishme për SHBA-të që të bëjnë gjithçka që munden për të siguruar që “Turqia do të sillet si një aleat i mirë i NATO-s, por edhe ndaj të gjithë fqinjëve të saj”.
Lidhur me garancitë e sigurisë, ambasadori në largim i SHBA në Athinë thekson se “ekziston neni 5. Ju (grekët sh.r) keni dëgjuar nga Presidenti Biden një angazhim shumë të qartë ndaj tij dhe gatishmërinë për të ofruar forca, pajisje dhe fonde amerikane për të forcuar dhe mbrojtur këtë garanci “.
