Ronela Hajati vazhdon të shkaktojë polemika për pjesmarrjen e saj në Eurovizion. Nuk mjafton kënga skandaloze me të cilën ajo do të përfaqësojë Shqipërinë, por së fundmi ka dhënë edhe një shfaqje erotike, çka ka bërë që Eurovizion t’ia fshijë shfaqjen që dha.
E pyetur për këtë gjë gjatë një interviste në Torino, Ronela tha se ajo bën shou dhe ata që janë skandalizuar, mund të fikin televizorin.
Për më tepër, tha se fëmijët dinë më shumë gjëra se ajo për seksin.
“Ndihem çuditshëm, por mendoj se Eurovisioni është festivali i lirisë dhe kjo është arsyeja kryesore përse ëndërroja të isha këtu.
Secili mund të bëjë siç dëshiron, por në fund të ditës, është vetëm shoë. Nëse dikush do të shohë diçka familjare, mund të shohë ndonjë shfaqje tjetër. Është në 9 të mbrëmjes, më besoni, fëmijët dinë gjëra më shumë se unë.
Unë nuk bëra asgjë më shumë se ç’duhet. Kur njerëzit të shohin performancën, do mendojnë, për këtë u bë aq e madhe?
Është thjesht një lëvizje dhe kapën fotografinë, çfarë ka të gabuar në këtë? Michael Jackson e shpiku këtë! Unë isha vetëm 3 vjece. Nëse ai e ka bërë, edhe unë do e bëj”, tha Ronela Hajati.
