Debati për Parkun Kombëtar të Butrintit ka kaluar në fyerje personale mes pedagogut dhe analistit Ilir Yzeiri e studiuesit të njohur Auron Tare gjate debatit televiziv ne emisionin “Politiko” ne Top News. Yzeiri e ka quajtur Taren injorant dhe sipas tij turp për personat që e kanë emëruar ndër vite në poste të caktuara.
“As nuk dua të jem. Ti je një turp për ata që të zgjodhën në ato poste. Kur t’u prish interesin je bërë tashti na reciton vargje duke e çuar kolonializmin në antikitet. Ja ky je ti. Ata që të vlerësojnë ty, ja të të shikojnë tani se kush je”, tha ndër të tjera Yzeiri
Ndërkohë, studiuesi Tare ishte i qetë përballë këtyre fyerjeve dhe u përgjigj profesionalisht duke thënë se ishte anëtar i Këshillit Shkencor i UNESCO, për pasuritë botërore të nënujit. “I votuar nga 67 shtete, votim em votë të fshehtë”, shtoi Tare.
Ilir Yzeiri: Kur të mbarosh do më dëgjosh, se ta tregoj unë edhe kështjellën edhe kalanë. Të gjithën, ku jetoj unë dhe ku jeton ti.
Auron Tare: Unë jetoj në fshat
Ilir Yzeiri: Po mor po ti jeton atje. Ti jeton atje ku tu prishën interesat dhe je bërë kritizeri më i madh sepse këto përralla që i tregon ti me profesorin, ke qenë ti që e ke përjashtuar profesorin. Dhe tani bën si hero, sikur po na zbulon Amerikën.
Ajo që thua ti për Holsin të tregon ty një diletant në fushën e albanologjisë. Sepse ti mor miku im i dashur nuk ke ekspertizën për ta bërë atë. Të quash sot në shekullin e 22 një studiues anglez që ka një mendim të caktuar neo-kolonialist dhe ta çosh kolonializmin në antikitet vetëm një injorant si t’i mund ta bëjë.
Po deshe të them dhe gjëra të tjera. Edhe ato projektet e mëdha që ke marrë ti për bregdetin. Edhe ato sherret e mëdha që ke krijuar ti. Ke qenë disa herë në qendër të shtypit. Tashti të janë prekur interesat miku im dhe na tregon Amerikën andej nga je. Ti je një diletant dhe një delirant, miku im i dashur.
Auron Tare: Miku im nuk je fare ti
Ilir Yzeiri: As nuk dua të jem. Ti je një turp për ata që të zgjodhën në ato poste. Kur t’u prish interesin je bërë tashti na reciton vargje duke e çuar kolonializmin në antikitet. Ja ky je ti. Ata që të vlerësojnë ty, ja të të shikojnë tani se kush je.
Auron Tare: Unë nuk përdora ndonjë ton fyes. Unë as zotin Yzeiri nuk e quajta as injorant. Uën zoti Yzeiri sot që flasim jam anëtar i Këshillit Shkencor i UNESCO, për pasuritë botërore të nënujit. I votuar nga 67 shtete, votim em votë të fshehtë.
