Tre shtetas nga Tepelena janë proceduar penalisht në Prokurori , pasi kanë kundërshtuar me dhunë punonjësit e policisë, të cilët ndërhynë në një konflikt që ata kishin me dy shtetas të tjerë nga Fieri.
Ngjarja ndodhi një ditë më parë. Më poshtë njoftimi i plotë i policisë.
Më datë 08.08.2017, u referuan materialet në Prokurorinë e Rrethit Gjyqësor Gjirokastër, dhe për kapjen e shtetasve I.I, M.I dhe G.L, vjeç 28, 31 e 26, banuese në Tepelenë, pasi dyshohet se pas një konflikti që kanë pasur me shtetasit D.B dhe G.B, vjeç 19 e 25, banues në Fier, kanë kundërshtuar me dhunë punonjësit e policisë, të cilët kanë ndërhyrë për shoqërimin e personave të përfshirë në konflikt. Neni 236/2 i Kodit Penal.
