Kreu i Kadastrës Gjirokastër, Florian Taçi, ka dhënë dorëheqjen nga detyra. Vendimin ai e njofton vetë përmes një reagimi publik, teksa thotë se “kishte arritur në finishin e rrugëtimit profesional” në krye të këtij institucioni. Taçi më tej kërkon ndjesë për ata që patën shpresuar se problemet 30-vjeçare me pronat në Shqipëri ai do të mund t’i zgjidhte me një të rënë në lapsit. Argjirolajm.net mëson se Taçi do të pasohet në këtë detyrë nga një ish-drejtues i OSHEE edhe pse për momentin s’ka ende asgjë zyrtare. Më poshtë reagimi i plotë i ish-kreut të ASHK Gjirokastër.
Te nderuar miq, shoke e dashamires!
Çdo cikel pjese e proçesit jetesor, e ka nje fiilim e nje fund, perkthyer ne rastin tim – ju njoftoj se arrita ne finishin e rrugetimit profesional prane Dv Ashk Gjirokaster (duke u dorehequr), nje rrugetim sa i veshtire aq dhe i privilegjuar qe zgjati prej 5 vitesh e qe u be i mundur fale mbeshtetjes pa kushte dhene nga miqte e mi Bledi Çuçi, Mirela Kumbaro e Flamur Golemi. E ndërkohë që pres të hedh hapin tjetër, e di se marrëdhënia e shkëlqyer që kam patur me kolegët, si pjesë e një ekipi ambicioz dhe profesional, nuk mund të kalohet e thene kaq lehtësisht.
Jane ore te tera, dite dhe muaj perkushtimi e pergjegjesie nga gjithe specialistet juriste, inxhinjere, ekonomiste, etj, mund qe vleresoj se u shperblye me rikthimin e besimit te njerezve kundrejt institucioneve aq te paragjykuara siç ishin Hipoteka e Aluizni, sikunder sjam aq i shurdher per te mos degjuar se jo gjithçka eshte zgjidhur. Ka ende shume per te rregulluar, por traseja eshte shtruar e mbi te une jam i bindur se rrugetimi i nisur do vazhdoje duke u permiresuar.
Ndjese per gjithe ata qe shpresuan ne personin tim, se problemet 30 vjecare te prones ne Shqiperi, te mund ti zgjidhja me nje te rene te lapsit, duke i siguruar se kam harxhuar gjithe energjite e mia per te gjetur apo sugjeruar zgjidhjen perfundimtare.
Per ta mbyllur, nje falenderim i fundit shkon per gjithe ata qytetare gjirokastrite, permetare, libohovite e dropullite qe detyra e solli ti njihja e ti sherbeja, per mirekuptimin e treguar ne raste vonesash si dhe fjalet e mira e te pakursyera ne drejtim te zyres (pasi sherbimi kryhej). Faleminderit! “Fituesi eshte ai qe e di kur duhet hequr dore” Marshall McLuhan
