Valbona Bushi është shkarkuar nga posti i drejtoreshës së Drejtorisë Rajonale të Tatimeve Gjirokastër pas rreth 3 vitesh në këtë pozicion. Fillimisht Bushi e mori detyrën si e komanduar në gusht 2019, ndërsa në janar 2020 fitoi “konkursin” dhe u emërua definitivisht.
Në vend të saj mësohet se drejtuesi i ri është komanduar Sokol Ruko. Nuk dihet se për sa kohë do të qëndrojë i komanduar. Ndoshta ndiqet e njëjta rrugë si me Valbona Bushin, që pas komandimit i vjen emërimi.
Bushi nga ana tjetër mori pozicionin që ka pasur deri më tani Sokol Ruko brenda drejtorisë rajonale si drejtor i Kontrollit Tatimor. Pra, Ruko shkoi në vend të Bushit dhe Bushi në vend të Rukos. Pritet që në ditët e ardhshme të ketë lëvizje të tjera në radhët e drejtuesve lokalë. ©argjiroja.net
