Shkolla 9 vjecare në fshatin Andon Poçi në Gjirokastër, prej kohësh është mbyllur, pasi fëmijët që arsimoheshin pranë saj mungojnë.Prindërit e tyre zgjodhën të emigronin, si një mundësi më e mirë për ta dhe ekonominë e familjes.
“Ka patur shumë, me shkollë me kopësht. S’ka fëmijë”, tregon një banore. Banorë e vetëm në fshat janë të moshuarit.
“Asnjë i ri nuk është në fshat. Nga Greqia deri në Australi. Ku nukkisha 5 nipër i rrita, kur i kujoj më vjen për të qarë janë. U bënë si zogjt e pulet, sa u rritën ikën”, thotë një i moshuar.
“Bosh se kanë ikur. Pleqtë rrimë në shtëpi. Çdo bëjmë ne në rrugë. Unë jamë 80 vjeçe. Kur na ikën fëmijët, . Të rinj 60 vjeç. S’ka të rinj”, tregon një nga banoret.
“Të rinjt kanë ikur. Skanë punë. ja neve vetëm jemi. Pleq e plaka. Ka patur shumë, me shkollë me kopësht. S’ka fëmijë”, thotë një tjetër.
“Nëpër Greqi, Gjermani, Zvicër. Se s’ka punë. Ku të punojnë, duan të hanë. Unë kam tre çuna, tre nuse, jam vetëm. Tani u shkretua. Nuk sheh ditën njeri, jo natën. Vijnë çunat më shohin mua po çtë bëjnë këtu, duan punë, duan të hanë. Këtu s’ka të bëjë një punë”, tregon një e moshuar.
Tokat janë djerrë për shkak se nuk ka kush të punojë. Janë detyruar t’i lënë me qira.
“Kush ti punojë. Kam 18 dynym. Janë pa punuar. I kemi dhënë me qira. Po dhe ata do zhduken. Punoj dot unë, jam 80 vjeç”, thotë një banor.
Dikur në këtë fshat jetonin 500 banorë, ndërsa sot kanë mbetur vetëm 60 të moshuar./ ABC
