Partia Demokratike ka zyrtarizuar sot disa kandidatë të tjerë për primarët e 4 dhjetorit. Në Bashkinë Memaliaj bie në sy kandidatura e Albert Malajt, i cili do të shkojë në votim bashkë me rivalin Bukurosh Ajdini. Kujtojmë se Malaj në zgjedhjet e vitit 2021 kandidonte për deputet me LSI-në, ku në Memaliaj mori rreth 900 vota.
Ndërkohë në vitin 2015 në zgjedhjet lokale, Malaj kandidonte për Partinë Social Demokrate të Skënder Gjinushit. Për ato zgjedhje ai akuzoi PS-në dhe LSI-në se ia vodhën fitoren. Deklaratat i bëri gjatë një interviste në vitin 2021 në Channel 7, televizionin e familjes Tavo.
Pra, jemi në kushtet kur Albert Malaj provon të fitojë në Memaliaj me të tretën parti. Në 8 vite ka ndryshuar 3 subjekte. E nisi me PSD-në e Gjinushit, shkoi tek LSI-ja e Monika Kryemadhit dhe së fundi në primaret e PD-së. ©argjiroja.net
