15 familje të komunitetit rom në Gjirokastër do të kenë shtëpi të reja. Bashkia Gjirokastër ka nisur rikonstruksionin e banesave ekzsistuese që ato kanë përmes një programi të veçantë të ndihmës sociale për strehimin.
“Ky është vetëm fillimi i një programi të gjerë social që ne do të zbatojmë në Gjirokastër, me fokus të veçantë sidomos strehimin e familjeve në nevojë. Mezi pres të rikthehem në këto shtëpi kur ato të kenë përfunduar pas rreth 3 muajsh”, thotë kryebashkiaku Flamur Golemi.
Gjatë vitit 2023 pritet që në Gjirokastër të ndërtohen pallate të reja me fonde nga Enti Kombëtar i Banesave. ©argjiroja.net