Ditën e sotme janë bërë disa ndryshime sa i përket rangut drejtues në Policinë e Shtetit. Ajo që bie në sy është emërimi i Sokol Bizhgës si Zv.Drejtor i Përgjithshëm i Policisë së Shtetit. Duket që Drejtori i Përgjithshëm i Policisë së Shtetit, Muhamet Rrumbullaku, ka vendosur të vërë dorë të hekurt në radhët e uniformave blu, pas situatave të shumta kriminale të muajve të fundit.
Po kush është Sokol Bizhga
Bizhga në 5 vitet e fundit ka mbajtur pozicionin e Drejtorit të FLO (Forcave të Lëvizshme Operacionale” institucion që kishte në varësi forcat RENEA, FNSH dhe grupin operacional.
Nën drejtimin e këtij institucioni Bizhga ka arritur disa suksese, si lufta ndaj aktivitetit kriminal, por gjithashtu edhe mirëmenaxhimi i protestave të vazhdueshme opozitare gjatë viteve të fundit.
Deri në vitin 2002 Bizhga ka drejtuar operacionet e policisë në det, duke luftuar krimin e organizuar dhe trafikantët e qenieve njerëzore, duke i dhënë fund këtij fenomeni në shoqërinë shqiptare.
Ndërkohë Bizhga në vitin 2014-të ka drejtuar operacionin për ç’kanabizimin e zonës së Lazaratit, atje ku për dy dekada nuk kishte mundur të hynte asnjëherë policia, por edhe në rastet kur kishte marrë iniciativën ka dalë e dështuar.
Kush janë ndryshimet e reja në drejtim të Policisë
Tonin Vocaj emërohet drejtor i Policisë në Tiranë. Duke zëvendësuar Lorenc Panganikën. Ky i fundit shkon në Akademinë e Sigurisë.
Vendin e Vocajt e zë Sokol Bizhga.
Ermal Muça emërohet drejtor në Vlorë.
Niko Brahimaj emërohet në Fier.
Ervin Hodaj në Shkodër.
Lutfi Minxhozi emërohet drejtor për Marrëdhëniet Ndërkombëtare.
Gent Ndoj emërohet drejtor i Krimit Ekonomik në Drejtorinë e Përgjithshme.
