Ylli i popit me origjinë shqiptare, Eleni Foureira po kalon fazën më të lumtur të jetës së saj, pasi u bë nënë për herë të parë. Këngëtarja solli në jetë një djalë të shëndetshëm, fryt i dashurisë me partnerin e saj, Alberto Botia. Lajmin e ka bërë me dije vetë këngëtarja përmes një postimi në rrjetet sociale.
“Gjithmonë kam dashur të bëhem nënë, thjesht e kam pasur shumë të vështirë. Unë jam duke u përpjekur për një kohë të gjatë. Më ka ndodhur të jetë më e vështirë për mua, si për shumë gra të tjera. Dua t’u them të mos zhgënjehen, sepse kur të vjen dëshira të heqësh dorë, kur thua se nuk duroj të shoh një tjetër test negativ, ndodh një mrekulli. Kam luftuar për një vit e gjysmë. Kam kaluar nëpër IVF të dështuara, shumë mjekë, derisa më në fund fëmija erdhi natyrshëm. Personi i parë me të cilin e ndava ishte Alberto, sigurisht. Ai ishte dhe është një partner jashtëzakonisht mbështetës dhe jam e sigurt se do të jetë një baba fantastik”, ka rrëfyer së fundmi Eleni Foureira për Vogue greke.
