Mirela Kumbaro e Blerina Gjylameti kanë mbledhur koordinatorët e PS për qarkun Gjirokastër këtë fundjavë dhe kryetarët e bashkive. Kumbaro ka shpjeguar gjatë takimit edhe rëndësinë e aplikacionit “Aktivisti” që socialistët përdorin mes strukturave të tyre për ndërveprim më të mirë në mediat sociale. Ditët e fundit për këtë aplikacion ka pasur akuza nga opozita, si dhe ka rrjedhur në media një listë e pretenduar me emrat e atyre që janë pjesë e këtij aplikacioni. PS zyrtarisht e ka mohuar këtë listë dhe ka thënë se çështja do të ndiqet në rrugë ligjore.
“Jo vetem dere me dere, por edhe sy me sy, po takojme çdo banor, degjojme çdonjerin ne fshat e ne qytet, permes shtrengimit te duarve në çdo rrugice, apo fjales se Aktivistit te Partise Socialiste qe troket edhe ne dritaret e rrjeteve sociale. Jemi bashke per te shpjeguar çfare pune kolosoale eshte bere por edhe per te vijuar angazhimet per te tjera pune qe do behen. Partia Socialiste eshte e vetmja force politike e njerezve dhe per njerezit, e shtrire ne territor ne cdo fshat e ne cdo lagje“, shkruan Kumbaro. ©argjiroja.net