Për kapjen autorit të vrasjes së 3 grave sot në Tiranë, reagoi edhe ministri i Brendshëm, Bledi Çuçi. Ai përgëzoi Policinë e Shtetit për punën, por shigjetoi sistemin e drejtësisë i cili nuk kishte dhënë dënimin maksimal për autorin në të shkuarën.
“Përgëzime Policisë së Shtetit për arrestimin e një krimineli të regjur, që sot mori jetë të pafajshme në Kamëz. Një ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skedën e tij kriminale. Edhe njëherë Policia e Shtetit dëshmoi profesionalizëm dhe bëri detyrën duke çuar prapa hekurave autorin, që nuk duhet më kurrsesi t’i shpëtojë ndëshkimit më të ashpër të drejtësisë. Ngushëllime familjeve të viktimave! #MbështetjepërPolicinëeShtetit”, shkruan Çuçi.
