Deputetja e Partisë Demokratike, Ina Zhupa ka hedhur akuza ndaj kryeministrit Rama në Parlament për skandalin McGonigal.
Zhupa është shprehur se njerëzit nuk duan të jetojnë më në Shqipëri sepse fatkeqësisht është kthyer në një xhungël, ku ligji është thjeshtë një copë letër, të cilin e shkel qeveria e para, dhe duke nëpërkëmbur çdo të drejtë dhe çdo detyrim që keni ndaj opozitës.
Fjala e Ina Zhupës:
“Sot duhet të ishte ditë e mocionit me debat, sot duhet të ishte dita e përgjigjeve të pyetjeve, sot duhet të ishte dita e interpelancës.
Fatkeqësia është që ju po harxhoni gjithë kohën e debatit politik për të krijuar kauza të reja për të na treguar që opozita po qeverisë keq, për të na treguar se kush është e mira apo e keqja në opozitë sikur ne po presim që të na tregoni ju, se çfarë ju intereson ju e kush janë më të mirët apo më të këqijt në opozitë apo më keq akoma se kush është opozita apo kush është Partia Demokratike.
Presidentin Amerikan Linkoln thoshte: “Kur shkencën e kap injoranti, pushkën krimineli, pushtetin tradhtari, vendi kthehet në një xhungël ku s’mund të jetojnë njerëzit”. Kjo është shprehja që i shkon përshtat sot situatës ku ndodhet vendo jonë me këtë qeverisje.
Njerëzit nuk duan të jetojnë më në Shqipëri sepse fatkeqësisht është kthyer në një xhungël ku ligji është thjeshtë një copë letër, ku ligjin e shkelni Ju, të parët, duke shkelur çdo të drejtë dhe çdo detyrim që keni ndaj opozitës.
Charls Mc Gonigal kishte shëtitur po, Ballkanin, por asnjë Kryeministër tjetër nuk del në akt-padi.
Pse Kryeministri sot mjaftohet ta lexojë akt-akuzën duke e lënë të drejtë Departamentit të Drejtësisë në fakt, sikur ne nuk e dinim që ato janë të vërteta dhe thotë po, janë të vërteta.
Po të vërteta janë dhe ndaj zotëria duhet të jepte dorëheqjen sepse ato janë të vërteta dhe kur thotë e takova, s’na tha ndonjë gjë që nuk e dinim se këtë e dimë se besojmë tek drejtësia amerikane.”- Tha ajo ndër të tjera.
