Mirela Kumbaro ka reaguar pas zyrtarizimit të Leonard Hides si kandidat i PS për Bashkinë Libohovë në zgjedhjet e 14 majit. Ajo thotë se ai mirëpritet nga kushdo dhe se PS është më e bashkuar se kurrë në këtë bashki.
“Profesionist shumë i mirë, familjar shëmbullor, libohovit i nderuar, dhe shok i gjendur për kedo që e ka njohur e i ka trokitur, – si kandidati që do të paraqesë Partia Socialiste në garën e ardhshme për kryetar bashkie të Libohovës, mbështetet jo vetëm nga socialistët, por nga të gjithë banorët e Bashkisë Libohovë, si dhe mirëpritet nga kushdo që e ka njohur Leonardin në punë apo në jetën e përditshme. Jemi më të bashkuar se asnjëherë”, shkruan Kumbaro.
Leonard Hide ka përballë kushëririn e tij të parë, Adil Xhelili, i cili mbështetet nga PD e Sali Berishës. Gara pritet të jetë interesante pikërisht edhe për këtë lidhje të afërt familjare që kanë dy kandidatët. ©argjiroja.net
