Thellohet skandali i trenit ‘Intercity’ në Greqi ku humbën jetën 57 persona, mes tyre 6 shqiptarë. Audio përgjimet e stacionistit, Vasilis Samaras tregojnë momente kur ai ka përdorur frekuencën radiofonike shtetërore të OSE-së për të shkëmbyer shaka vulgare seksuale me drejtuesin e stacionit tjetër.
Gabimet katastrofike dhe papërgjegjshmëria janë dëshmi e situatës kaotike që mbizotëronte në rrjetin hekurudhor, para, gjatë dhe pas aksidentit fatal në 24 dokumente të reja audio. Më 28 shkurt 2023, gjithçka dukej se po shkonte keq për hekurudhën në zonën e Larisës. Probleme të përsëritura teknike, vonesa në rrugë, rritje e ngarkesës dhe karikimit në zyrën e stacionit. Imazhi i kaosit dhe konfuzionit, shkruan Protothema.gr.
Dialogët para se të ndodhte tragjedia tregojnë qartë se sa i papërgatitur, i papërshtatshëm për postin e drejtuesit të stacionit ishte Vasilis Samaras. Samaras përpiqet të pretendojë se asgjë që nuk shkon me udhëtimin edhe pas përplasjes teksa vijon me dialogun vulgar seksual me ‘shokun’ e tij.