Shqiptari i famshëm në Tik Tok, Aleks Visha është personi të cilit iu bllokua makina, pasi po qarkullonte me 305 km/h në tunelin e Kalimashit. Visha videon gjatë ecjes me shpejtësi të madhe e ka publikuar edhe në rrjete sociale. Pas publikimit të videos policia e ka identifikuar në bazë të pamjeve filmike dhe e ka shoqëruar në Komisariat. Ndaj tij u mor masa administrative 100 000 lekë të reja, ndërsa po ashtu iu bllokua “Ferrari”. ”Nuk kam qenë unë drejtues mjeti në videon që është publikuar”, është shkruar në fletën e gjobës. Aleks Visha konsiderohet edhe si “mbreti” i “Tik Tok” nga mijëra personat që e ndjekin në këtë rrjete sociale.
Njoftimi i policise
“Shoqërohet në Komisariatin Rajonal të Policisë Rrugore Tiranë, drejtuesi i automjetit, shtetasi ALeks Visha. Pas videos me 300 km/orë, Aleks Visha sfidon policinë gjatë shoqërimit, live në TikTok, me muzikë në sfond e duke tymosur. Pas publikimit në rrjetet sociale, të një videoje në të cilën shfaqej një automjet që qarkullonte me shpejtësi 305 km/h, Policia Rrugore e Tiranës ka intensifikuar punën për identifikimin e automjetit dhe të drejtuesit të tij. Në bazë të pamjeve filmike të siguruara, është identifikuar dhe ndaluar automjeti tip “Lamborghini” me drejtues shtetasin A. V., të cilin e Policia e ka shoqëruar në Komisariat. Ndaj drejtuesit të automjetit u mor masë administrative 100 000 lekë të rinj. Policia Rrugore e Tiranës apelon për drejtuesit e automjeteve që të zbatojnë me rigorozitet rregullat e qarkullimit rrugor dhe apelon gjithashtu për ndalimin e publikimeve që kanë karakter joedukativ për sigurinë rrugore”
