Nga Mentor Kikia
Më ka ngacmuar shumë kohët e fundit përdorimi masiv i emrit “Agroturizëm”. E kam parë këtë në shumë restorante nëpër fshatra, të vegjel e të mëdhenj.
Por Agrioturizëm nuk do të thotë restorant në fshat, as buzë liqenit, aq majë malit, aq mes fushës…
Agroturizëm supozon që të jesh së pari Agro, pra të kesh bujqësinë, fermën, blegtorinë, të prodhosh vetë(apo të kontraktosh fermerët vendas) verën, mishin, djathrat, perimet, recelin, frutat, etj etj, e pastaj këtë infrastrukturë ta shfrytëzosh për turizëm.
Eshtë duke u abuzuar shumë me këtë etiketim,, sa çdo kush që hap një retortant në fshat, i vë emrin Agroturizëm. Por djathin, qumëshin dhe kosin i blen tek fabrika e qumështit. Mishin dhe qoftet tek dyqani i mishit të importit, ndërsa perimet shkon në treg të madh e mbush makinën…
A, se harrova… Nëse ju pyet kamarieri: Doni djathë baxhoje, apo djathë nape?
Mos e hani, edhe ai djathi i “napës”, që ka një formë të rrumbullakët, nuk është bërë nga amvisat tradicionale aty në fshat, por i bëjnë po ato fabrikat me gjysmë qumësht pluhur. Pasi, meqë ecën shumë ky djathi i “napës”, ia kanë gjetur formën edhe atij. Sipas këtij standardi, emrin Agroturizëm e meritojnë shumë pak njësi shërbimi në këtë vend. Të tjerët janë thjeshtë restorante dhe kaq.
