Dy vëllezër janë shpallur në kërkim nga policia e Vlorës, pasi për motive të dobta kanë dhunuar një 21-vjeçar.
Bëhet me dije ngjarja ka ndodhur ditën e djeshme në fshatin Drashovicë, ku shtetasit N. Xh.(A), 32 vjeç dhe E. H.(A), 30 vjeç, vëllezër kanë dhunuar fizikisht shtetasin D. Z., 21 vjeç, banues në Vlorë, i cili ndodhet në spital, në kujdesin e mjekëve.
Vijon puna për kapjen e 2 shtetasve të shpallur në kërkim, si dhe për identifikimin dhe kapjen e shtetasve të tjerë të përfshirë në këtë rast.
Njoftimi i policisë së Vlorës:
Specialistët për Hetimin e Krimeve të Komisariatit të Policisë Vlorë referuan materialet në Prokuori dhe shpallën në kërkim shtetasit N. Xh.(A), 32 vjeç dhe E. H.(A), 30 vjeç, vëllezër, të dy banues në fshatin Drashovicë, pasi ditën e djeshme, në lagjen “Uji i Ftohtë”, dyshohet se në bashkëpunim me shtetas të tjerë, për motive të dobëta, kanë dhunuar fizikisht shtetasin D. Z., 21 vjeç, banues në Vlorë, i cili ndodhet në spital, në kujdesin e mjekëve. Vijon puna për kapjen e 2 shtetasve të shpallur në kërkim, si dhe për identifikimin dhe kapjen e shtetasve të tjerë të përfshirë në këtë rast.
Po nga këta specialistë u referuan materialet në Prokuori dhe u shpall në kërkim shtetasi S. V., 37 vjeç, banues në fshatin Mekat, Vlorë, pasi dyshohet se ka vjedhur disa pajisje në një lokal në këtë fshat.
Nga specialistët e Qarkullimit Rrugor në Komisariatin e Policisë Sarandë u ndalua shtetasi A. T., 45 vjeç, banues në Sarandë, pasi Gjykata e Shkallës së Parë Sarandë, e ka dënuar me dy muaj burg për veprën penale “Drejtimi i automjeteve në mënyrë të parregullt”.
Materialet procedurale i kaluan Prokurorisë, për veprime të mëtejshme.
