Një ngjarje e rëndë ka ndodhur në qytetin e Vlorës, ku një grua është dhunuar me sende të forta.
Bëhet me dije se ngjarja ka ndodhur ditën e djeshme dhe se policia ka shpallur në kërkim shtetasin I. Sh., 37 vjeç, pasi në lagjen “Isa Boletini”, dyshohet se për motive të dobëta, ka kanosur dhe ka goditur me një send të fortë në kokë, shtetasen E. K.(D), 39 vjeçe, banuese në Vlorë.
Gjithashtu, dyshohet se ky shtetas e ka përndjekur 39-vjeçaren, për disa ditë.
“Specialistët për Hetimin e Krimeve të Komisariatit të Policisë Vlorë referuan materialet në Prokurori dhe shpallën në kërkim shtetasin I. Sh., 37 vjeç, banues në Vlorë, pasi ditën e djeshme, në lagjen “Isa Boletini”, dyshohet se për motive të dobëta, ka kanosur dhe ka goditur me një send të fortë në kokë, shtetasen E. K.(D), 39 vjeçe, banuese në Vlorë.
Gjithashtu, dyshohet se ky shtetas e ka përndjekur 39-vjeçaren, për disa ditë. Shërbimet e Policisë vijojnë kërkimet për kapjen e shtetasit I. Sh. Materialet procedurale i kaluan Prokurorisë, për veprime të mëtejshme”, njofton policia.
