Mirela Kumbaro ka zhvilluar një takim elektoral në Izvor të Memaliajt për të kërkuar mbështetjen me votë për kandidatin e PS, Gjolek Gucin.
“Memaliaj nuk është thjesht historia e shkuar e një miniere. Memaliaj është zona me potenciale bujqësore, arkeologjike dhe me njerëz punëtorë. Ngjau krushqia pa u bë themi ne nga Gjirokastra. Krushqia ime me Memaliajn është shumë e dashur është e tillë që sa më shumë futem në territor aq më shumë befasohem nga njerëzit. Kthejeni një sekondë Luftinjën mbrapa pa rrugën, pa sistemimet, pa punët që janë bërë. Kjo vlen për të gjithë qarkun. Kështu që asnjë dilemë, të gjithë bashkë për t’i zgjidhur të gjitha problemet që kanë mbetur”, tha Kumbaro.
Lajm i mirë për banorët e Memaliajt e jo vetëm është investimi për rrugën Ballaban-Berat. Kryebashkiaku aktual Gjolek Guci tha se punimet pritet të nisin në muajin qershor.
