Nga Dorjan Lani
Të dashur qytetarë gjirokastritë, lazaratas, lunxhotë, picariotë, të antigonesë, cepos e odries!
Do të doja të përcillja tek ju mesazhin e fitores së përbashkët, para se e drejta juaj për reflektim të fillojë!
Së pari ju falenderoj për mirëkuptimin, besimin dhe kohën që më keni kushtuar këto muaj fushate!
Përtej sloganeve, dua tju siguroj se në çdo rrethanë unë jam dhe do të ngelem njëri prej jush!
Duke ju ftuar të Votoni numrin 1 dhe emrin tim unë kërkoj një mundësi për të kryer në kohën e duhur atë që bashkia jonë ka nevojë për një të ardhme që ne të gjithë duam!
Erdha para jush me bindjen se Gjirokastra ka nevojë për një alternativë të re dhe kryetar të ri!
Shpopullimi frikshëm, papunësia dhe mungesa e perspektivës së vendlindjes sonë të dashur më shtynë të ngrihem mbi indiferencën e rehatinë, për të paraqitur një projekt të ringritjes dhe frenimit të braktisjes!
Koha tregoi se shkaktarët e kësaj situata nuk mund të jenë e ardhmja që duan qytetarët!
Sfidat e reja kërkojnë përballje të re, por edhe një gjeneratë drejtuesish të rinj, me ide, energji dhe suksese të provuara! Ndaj ju ftoj të jemi bashkë në këtë betejë të rëndësishme për të ardhmen e fëmijve e familjeve tona!
Të dashur miq këto muaj ju jeni njohur me platformën e Gjirokastrës bashkohore!
Por që ajo të jetë pjesë e jetës dhe interesave tuaja duhet në 14 Maj të vendosni vetë të ardhmen tuaj! Përkundër presioneve e shantazheve të firmosni me qetësi për numrin 1 në fletët e votimit, të votoni me vetëdije e besim emrin Dorjan Lani!
