Deputetja e Partisë Demokratike, Jorida Tabaku tha se e ka përdorur votën e saj në këto zgjedhje me interesin te ringritja e PD-së.
Por ajo nuk pranoi të tregonte se kë votoi, Belind Këlliçin apo Roland Bejkon? Tabaku u shpreh se vota është e fshehtë dhe nuk mund të hamendësohej për asgjë për aq kohë sa ajo zgjidhte të mos prononcohej.
“Unë me shumë dhimbje nuk kam votuar vetëm një herë në jetën time, në vitin 2019 të cilin e kam përjetuar shumë keq që Partia Demokratike bojkotoi zgjedhjet dhe kam votuar çdo herë tjetër në jetën time. Kam ardhur nga studimet jashtë në vitin 2005 që kam votuar kështu që edhe këtë vit e përdora votën time,” – u shpreh Tabaku.
