Bashkimi Qendror i Bashkive të Greqisë (KEDE) kërkon lirimin e menjëhershëm të kryetarit të sapozgjedhur të Bashkisë së Himarës, Fredi Belerit.
Sipas medias greke, Bordi Drejtues i KEDE me rezolutën e tij shpreh mbështetjen për kryebashkiakun mërgimtar, i cili ndodhet në paraburgim që prej datës 13 maj dhe i bën thirrje qeverisë shqiptare të vijojë me lirimin e menjëhershëm të tij.
Ai thekson se paraburgimi i Fredi Belerit edhe pasi u shpall fitues në zgjedhjet vendore, është shkelje flagrante e rregullave themelore të të drejtave të njeriut dhe shtetit të së drejtës.
Kryepeshkopi i Athinës dhe gjithë Greqisë Hieronymos u takua sot me Petros Belerin, djalin e kryebashkiakut të zgjedhur të Himarës, Dionysios Fredi Beleri.
Fortlumturia e tij u njoftua nga Petros Beleris për gjendjen shëndetësore të të atit dhe i shprehu shërim të shpejtë. Ai gjithashtu vuri në dukje se për shkak se çështja është jashtëzakonisht delikate dhe ka të bëjë me të drejtat e pakicave etnike në Shqipëri, ai do të komunikojë me kompetencë me Ministrin e Punëve të Jashtme dhe me Kryepeshkopin e Tiranës dhe gjithë Shqipërisë Anastas Janullatos.
