Ambasadorja amerikane në Tiranë, Yuri Kim, është vlerësuar sot me Çelësin e Gjirokastrës. Dorëzimin ia ka bërë kryebashkiaku Flamur Golemi gjatë një pritje në zyrën e tij.
“Për miqtë tanë të çmuar dyert e Gjirokastrës janë gjithmonë të hapura. Çelësin e qytetit ia dorëzova sot në shenjë mirënjohje ambasadores së SHBA në Tiranë, znj.Yuri Kim I jam shumë falënderues për mbështetjen e vazhdueshme dhe promovimin që i ka bërë veçanërisht Gjirokastrës e vlerave të saj si një qytet unik që ka hyrë tashmë edhe në hartën e destinacioneve të preferuara turistike për amerikanët. Kurdoherë e mirëpritur si në shtëpinë e saj”, shkruan Golemi.
Ambasadorja Kim është në përfundim të mandatit të saj diplomatik në vendin tonë dhe pritet të largohet në brenda verës. Ambasadori i ri i SHBA në vendin tonë do të jetë David Kostelançik. Ai ka qenë në selinë diplomatike të amerikanëve në vendin tonë në vitet 1993-1995. Kostelançik është një diplomat karriere. Ai flet gjuhët e huaja, ruse, hungareze, turke dhe shqip. ©argjiroja.net
