Sezon i ri, numër i ri. Inter ka prezantuar numrin e ri të Kristjan Asllanit në rrjetet sociale me anë të një video.
Duket qartë talenti kuqezi i cili shfaqet me fanellën zikaltër dhe me numrin 21 mbi shpatulla. Sezonin e kaluar, të parin e tij me Interin, djaloshi i talentuar shqiptar mbajti numrin 14, atë që Perisic la, ndërsa tashmë, 21 është i tiji.
Asllani është një lojtar që drejtuesit dhe tifozët e pëlqejnë shumë, dhe këtë sezon pritet që për të të ketë më shumë minuta në dispozicion, sidomos tashmë pas ikjes së Brozovic.
