Lulzim Basha është duke vijuar turin e tij të takimeve qytet më qytet, pasi u zgjodh kryetar i Partisë Demokratike “të vulës”.
Këtë të mërkurë, ai është ndalur në qytetin e Gjirokastrës, nga ku ka bërë thirrje për “pastrimin e politikës”, nga ata që kanë shpërdoruar besimin e qytetarëve.
“Paratë që sot shkojnë në xhepat e pushtetarëve dhe llogaritë e oligarkëve do t’i mundësonin çdo qeverie t’u krijojë kushte studentëve të mos largohen e fermerëve subvencione për bujqësinë.
Përballja pa kompromis me korrupsionin, pastrimi i politikës, dhënia fuqi e qytetarëve të zgjedhin me votë përfaqësuesit e tyre në Parlament, vota e diasporës janë jetike në rrugën që kemi nisur për çlirimin e politikës dhe ekonomisë”, ka thënë ndër të tjera Basha.
