Një aksident ka ndodhur mëngjesin e kësaj të diele në Fier, ku 10 persona kanë mbetur të plagosur.
Mësohet se ngjarja ka ndodhur rreth orës 07:30 mëngjesin e sotëm në vendin e quajtur “Safari Park” në Fier, ku një automjet tip “Ford” me shofer një shtetas 61-vjeçar banues në Fier, është përplasur me një mjet tip “Mazda” i cili drejtohej na një 62-vjeçar banues në Ballsh.
Si pasojë e përplasjes janë plagosur rëndë dy shtetase të moshave 25 dhe 56-vjeç. Gjithashtu, janë plagosur edhe drejtuesit e dy mjeteve, ndërkohë në spital ndodhen edhe 6 pasagjerë të cilët ishin në këto dy automjete.
Ata ndodhen në spital dhe po marrin ndihmën e nevojshme nga mjekët. Grupi hetimor ka mbërritur në vendin e ngjarjes dhe po punon për zbardhjen e shkaqeve të aksidentit.
Njoftimi i Policisë
Fier/Informacion paraprak
Rreth orës 07:30, në vendin e quajtur “Safari park”, Fier, automjeti tip “Ford” me drejtues shtetasin , 61 vjeç, banues në Fier, është përplasur me automjetin tip “Mazda”, me drejtues shtetasin 62 vjeç, banues në Ballsh.
Si pasojë e përplasjes janë dëmtuar dhe ndodhen në spital, në kujdesin e mjekëve, dy pasagjere, shtetaset 25 vjeçe dhe, 56 vjeçe.
Gjithashtu janë dëmtuar lehtë edhe 2 drejtuesit e mjeteve si edhe 6 pasagjerë në këto mjete, të cilët po kryejnë ekzaminimet mjekësore në spital.
Grupi hetimor po punon për përcaktimin e shkaqeve të aksidentit.
