Bashkia Gjirokastër synon të vendosë kamera sigurie në të gjitha rrugët e brendshme të qytetit. Kështu thotë kryetari Flamur Golemi teksa njofton pajisjen me kamera të 18 shkollave.
“Rrisim sigurinë për fëmijët tanë, kontrollojmë më mirë perimetrin dhe shmangim potencialisht ngjarje si ato që kemi parë në të kaluarën. Ambicia jonë është ta shtrijmë vendosjen e kamerave në të gjitha rrugët e brendshme të qytetit, jo për të bërë një “Big Brother“, por për të kaluar në një stad tjetër të sigurisë publike bashkë me Policinë e Shtetit duke shfrytëzuar të gjitha avantazhet që krijon teknologjia”, shkruan Golemi teksa pa nga afër sistemin e kamerave bashkë me drejtorin e policisë, Ardian Çipa. ©argjiroja.net
